ولادیمیرپوتین رئیس جمهور روسیه گفته که در صورت نیاز، برای مبارزه با تهدید های امنیتی در مرز افغانستان از پایگاه نظامی تاجیکستان استفاده میکند.
به گزارش افغان نیوز: ولادیمیرپوتین رییس جمهور روسیه روز گذشته هنگام باز دید از تاجیکستان گفت، در صورت نیاز برای مقابله با تهدیدهای امنیتی در مرز افغانستان، از پایگاه نظامی تاجیکستان استفاده خواهد کرد.
آقای پوتین بعد از دیدار از دیدار با امام علی رحمان رییس جمهور تاجیکستان در دوشنبه به رسانه ها گفت، دو کشور به توافق رسیده اند که برای حفاظت از مرز تاجیکستان با افغانستان تلاش کنند.
به گفته وی، استفاده از پایگاه نظامی روسیه در تاجیکستان علیه تهدیدهای امنیتی احتمالی از مرز افغانستان نیز شامل توافق روسیه و تاجیکستان می باشد.
روسیه در تاجیکستان پایگاه نظامی دارد و این پایگاه در نزدیکی مرز با افغانستان مستقر است.
سران روسیه و تاجیکستان همچنین، آمادگی خود را برای همکاری در روند صلح افغانستان اعلام کرده اند.
روسیه از افزایش نا امنی ها و حضور داعش در کشورمان نگران است و آن را تهدیدی برای خود و کشورهای آسیای میانه می داند.
این در حالی است که شایعاتی مبنی بر حمایت روسیه از طالبان نیز به گوش میرسد و بار ها ضمیر کابلوف نماینده ویژه رئیس جمهور روسیه در افغانستان گفته که کشورش با طالبان تماس دارد.
پیام ها