عبدالله عبدالله، رییس شورای عالی مصالحه ملی به منظور جلب حمایت از تلاش‌های صلح، عازم شهر دوشنبه پایتخت تاجیکستان شد.
به گزارش افغان نیوز: آقای عبدالله، امروز دو شنبه(۱، جدی) در صفحه رسمی فسبوک اش نوشته است که به سلسله‌ی سفرهای منطقه‌ای برای جلب حمایت از تلاش‌های صلح، به دعوت رسمی جمهوری تاجیکستان در رأس هيئت عالی رتبه‌ی جمهوری اسلامی افغانستان عازم شهر دوشنبه شدیم.
همچنان سپیدار می‌گوید که این سفر به هدف تقویت اجماع منطقه‌ای برای صلح و در ادامه سفرهای منطقه‌ای وی برای جلب حمایت از تلاش‌های صلح بنا بر دعوت رسمی کشور میزبان صورت گرفته است.
قرار است عبدالله عبدالله در این سفر با امام‌علی رحمان رییس جمهور، قاهر رسول‌زاده نخست‌وزیر، محمد طاهر ذاکرزاده رییس مجلس نماینده‌گان و سراج‌الدین مهرالدین وزیر امور خارجه‌ی جمهوری تاجیکستان، درباره روند صلح افغانستان، چالش‌ها و فرصت‌های پیش رو بحث و گفت‌وگو کند.
عبدالله پیش ازین به چند کشور دیگر آسیای میانه از جمله ازبکستان نیز رفته بود.
وی همچنان به هدف جلب حمایت منطقوی از پروسه صلح از ایران، هند و پاکستان نیز دیدارهای داشت.
پیام ها