داکتر عبدالله عبدالله رئیس اجرائیه افغانستان در دیدار با سفیر تاجیکستان در کابل در مورد همکاری‌های امنیتی و اطلاعاتی و ناامنی‌ها در شمال کشور بحث کرد.
به گزارش افغان خبر: داکتر عبدالله عبدالله، رئیس اجرائیه کشور در این دیدار با اشرف‌الدین امام سفیر تاجیکستان گفته است افغانستان خواهان گسترش روابط اقتصادی و امنیتی با تاجیکستان است.
همچنان ناامنی‌ها در شمال کشور٬ همکاری‌های امنیتی و اطلاعاتی و آخرین تحولات سیاسی میان دو طرف موردبحث و تبادل قرار گرفت.
سفیر تاجیکستان از تطبیق بیشترین خواست‌های حکومت افغانستان که در جریان سفر رسمی رئيس اجرائيه کشور به تاجیکستان مطرح گردیده بود٬ و از کار روی عملی شدن برنامه کاسا یکهزار سخن گفت.
در این اواخر مناطق شمال کشور ناامن‌تر شده و ولایت‌های بغلان، کندز و بدخشان درتهدید شدید امنیتی قرار دارند.
پیام ها